ارجو المشاركه جزاكم الله خيرا

السلام عليكم
يا جماعه انا جبت نتيجتي من التليفون والحمد لله انا مش شايله حاجه
بس انا حاسه بظلم كبير جدا لان كل تقديراتي مقبول و ربنا يعلم اني تعبت و ذاكرت و في مواد انا حليت فيها و مينفعش تقديري فيها يكون مقبول
انا مش عارفه هي النتيجه من التليفون غلط ولا أيه بظبط
طب ولو مع الاسف النتيجه من التليفون صح , هل لو عملت تظلم هيبقي له لازمه ولا مجرد تحصيل حاصل
في كذا حد قالي ان دايما في بكالوريوس مهما حليت التصحيح بيكون وحش
وان التظلم ملوش لازمه
بس انا صعبان عليا لاني والله تعبت و ذاكرت
ارجوكم يا ريت تردوا عليا
جزاكم الله خيرا

اولا الف مبروك يا بسنت
ثانيا للاسف الشديد لا تظلم بينفع ولا اى حاجه هتنفع النتيجه طلعت واعتمدت وكله خلص والتظلم لو عملتيه هيبقى فلوس على الفاضى بيلموا فلوس ومفيش لا ورق بيتراجع ولا اى حاجه بس بيراجعوا النتيجه فى الكونترول يعنى علشان لو اتنقلت غلط او حاجه بس صدقينى احمدى ربنا على النجاح صافى
لو عاوزه تريحى نفسك او بمعنى اصح تعملى الى عليكى ومتسيبيش حقك للاخر اعملى تظلم بس كده انتى هتدفعى كتيير اوى ومش هيكون فى نتيجه لصالحك

ميرسي علي مشاركتك mad hunter
الله يبارك فيك و عقبالك يا رب
انا والله فعلا حاسه ان الكليه دي الواحد مش هيعرف ياخد منها لا حق ولا باطل
و ده اللي مضايقني اكتر
انا والله باحمد ربنا و مش معترضه بس صعبان عليا ان يكون ليا حق و ماخدوش , بس هقول ايه حسبي الله و نعم الوكيل
والحمد لله اولا و اخيرا